معلومات عن المدارس العليا التكنولوجيا EST
🔥 المدرسة العليا للتكنولوجيا EST كتهتم بزاف بالجانب المهني من بعد عامين كتعطيك ديبلوم جامعي تكنولوجي DUT يعني من بعد عامين كتخرج تقني عالي اكيد هاد اليبلوم اذا خديتيه ماخاصكش تكتفي بيه خاصك تزيد تقرا من بعد داكشي.
🤔علاش ؟؟
عندك بززاف تاع الاختيارات :
✅ تكمل الاجازة المهنية في EST لي كتقرا فيها او في وحدة اخرى وهادشي من بعدما كتدوز واحد الكونكور لي الاغلبية كينجح فيه
✅ او تمشي ENSA او FST من بعدما ماكتجيب DUT بنقطة ماخاصهاش تقل على 14 و دوز الكونكور باش تكمل الماستر او الولوج لسلك المهندسين في الشعبة لي كتختار (هاد الكونكور ماكيكونش سااهل بطبيعة الحال )
او تمشي ENCG للطلبة لي دايرين شعبة عندهم علاقة بالاقتصاد حتى هوما كيدوزوا كونكور مشترك مع صحاب لفاك لي كيبغيو يكملوا في ENCG
✅ الاختيار الثالث هو تمشي على براا مثلا لفرنسا اليابان الصين المانيا باش تكمل الدراسات ديالك حيث DUT مطلوب بكثرة في هاد الدول.
---
📌 الشعب لي كاينة فالمدرسة العليا للتكتولوجيا :
ف EST كاينين بززاف تاع الشعب لي مايمكنش نفصلوا وحدة على الاخرى هاد الشعب ماكاينيش كلهم في كل المدن. كاينين اكثر من 40 شعبة مختلفة مانقدرش نقول ليكم اشنو الشعبة المزيانة حيث كل وحدة عندها امتيازات مثلا génie informatique / mécanique / electrique /agroalimentaire /Civil مطلوبين في المغرب و على على برا بشكل كبييير وخصوصا برا عندهم مستقبل كبيييير بكل معنى الكلمة.
----
📌 العتبات :
كل عام كتكون عتبة فشكل كتختالف حسب المدن مثلا كازا العتبة فيها مقارنة مع المدن الاخرين نسبيا طالعة
فلوائح الاولية كتشوف بلي كيهزوا ناس تاع 18 و 17 وي سي نورمال ولكن هادشي ماكيعنيش بلي ماغاديش تقبل لا راه كيوصلوا حتى لائحة الانتظار الرابعة و الخامسة بعض المرات. المهم اذا كانت عندك 14.5 مابين الوطني و الجهوي راه اكييد غادي تولج لشي EST
---
📌 كيفاش دايرة القراية , الاجواء و النطام :
📍القراية في EST عادية خاصك تخدم و غاتجيب نقط مزياانييين بززاف خصوصا فS1 حيث كيكونوا مواد متنوعين و ساهلين بحال Français et communication , l'anglais technique , la gestion
غالبا S2 كتكون صعيبة شويا حيث كتعمق فالاختصاص ديالك خصوصا للناس لي غايديروا GI و تقدر تبقى فشي حصة اكثر من 5 ساعات بدون توقف ، للشعب لي غايقراو الرياضيات بحال GI خاصكم تمشيو طلوا في فهاد العطلة على programme ديال باك علوم رياضية باش ماتلقاوش مشکل و تاقلموا مع المستوى تاع القسم النجاح في EST كيكون على 12 هاد النقطة كتحسب بهاد الشكل 2 / (S1+S2) اذا جبتي اقل من هاد النقطة كاتعاود العام مع ولادك الاغلبية ديال les ESTs كيديروا 2 ديال المتحانات فS وكاينين لي كيديروا غير امتحان واحد فS ولكن قلال ف EST کاینیین بززاف تاع المواد او كيتسماو module 59 les éléments du module فيه des elements خاصك تجيب فكل موديل 12 پاش تفاليديه اذا جبتي اقل من 6 فشي مودیل كتعاود داك الموديل العام الجاي كله زعما واخا تنجح فالسنة الاولى ماكتدوزش للسنة الثانية ولكن كاتجلس فداركم تراجع پاش تفالدي داك الموديل لي جبتي فيه نقطة NCR بوحدو يعني عام على قدو كايضيع ليك فموديل واحدم الحضور ضروري , و خصوصا فالاشهر اللولة کیحکروا على الغياب من بعد كاينيين شي ESTs لي كايطلقوا اللعب ( اصلا الحضور خاصوا يكون اختياري راك وليتي في supérieur و راك راشد و كتعرف مصلحتك فين كاينة • العدد تاء الطلبة كيكون غالبا مابين 30 و 70 و غالبا كيكون قسم واحد او جوج التمكن من اللغة الفرنسية شي لا نقاش فيه خاصك تولف على les exposés et les projets خاصة ناس لي عندهم علاقة بالاقتصاد • فاخر السنة الاولى خاصك تدزو سطاج مدة ديالوا شهر فشهر يوليوز او غشت و فالسنة الثانية کندوز سطاج مدته 3 اشهر و گنفاد rapport du projet de fin d'études stage صعوبة تاع القراية كتختالف بشكل طفيف او متوسط بین les ESTs اخيرا EST مدرسة مزيانة و تكوين لي فيها غالبا كيكون مفيد و كتعطك الفرصة انك تميز و تجيب نقط مزيانيين كيخليوك تدخل المدارس الي ماقدرتتش تدخل ليهم من الباك بحال ENSA و ENCG و بززاف تاع الفرص المهم تميز وماشي صعيب هادشي .
تعليقات
إرسال تعليق